Sexto die mensis Iunii Anno MMXII Venus videri potest ante solis discum transiens.
Hic eventus, transitus Veneris, incidit primum, si sol et planetae in directa dispositione sunt, fere centesimo tertio decimo et sequenti centesimo tricesimo anno, alterum octavo anno post primam dispositionem, cum Venus iterum ante solem ex orbe videri poterit. Qui eventus admirabilis hominibus spectandus est, propterea quod in spatio mille annorum solum sunt fere viginti eius modi transitus. Homines nostra aetate viventes nunc postremum videre possunt hoc spectaculum, cum transitus subsequens anno MMCXVII incasurus sit, cumque omnes hodie viventes illo anno iam mortui sint.

http://www.strickling.net/venustransit_total_08_00.jpg
Figura I
Transitus Veneris anno MMIV ex Europa visus

Hic transitus ex Europa non est visus totus, sed peractio sole oriente, ut demonstratur in figura II. Hoc die ab solis ortu spectaculum in Europa videri potest tres dimidia horarum primariarum, tum vero Venus exiet ex solis disco in quem reintrabit iterum post centum quinque annos.

Mementote eo die, sexto mensis Iunii, sole oriente spectare hoc eventum, utentes quidem perspicillis oculos contegentibus. Nolite umquam spectare solem sine perspicillis, ne luce in oculos directos occaecaremini.

http://transitofvenus.nl/wp/wp-content/uploads/2011/10/ToV2012map4-1024x791.jpg
Figura II
Potest videri transitus totus ex regione in pagina retis « Entire Transit Visible » inscripta, ex Europa solum pars huius sole oriente.